Балалар бакчасында әтиләр катнашында бәйрәм узды
Ватанны саклаучылар көне уңаеннан Арча 10нчы балалар бакчасының уртанчылар төркемендә әтиләр катнашында профориентация юнәлешендә чара уздырылды
Кичәдә махсус хәрби операциядә катнашучы, гадәттән тыш хәлләр министрлыгы коткаручысы булып эшләүче әтиләр катнашу, бәйрәмгә тагын да җитдилек өстәде.
Балалар бу кичәне зарыгып көттеләр һәм бик яхшылап әзерләнделәр. Бәйрәм балаларның әтиләренә багышланган җыр-биюләре белән үрелеп барды. Әтиләр һәм балалар өчен кызыклы конкурслар, эстафеталар әзерләнгән иде. Нәниләр кадерле кешеләренә бик матур бүләкләр дә тапшырдылар. Уртанчылар төркемендә тәрбияләнүчеләрнең әтиләре, бабайлары дөнья мәшәкатен онытып, бәйрәмдә бик актив катнаштылар.
Тәрбиячеләр – Фатыхова Эльмира Ильдус кызы һәм Шәмсетдинова Ләйсән Фоат кызы
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев