Бөгелмәдә яшәүче 51 яшьлек хатын-кыз үз фатирында газ белән агуланган, хастаханәгә салудан баш тарткан.
ТР Дәүләт торак инспекциясе матбугат хезмәте хәбәр иткәнчә, йортта техник хезмәт күрсәтү күптән түгел генә үткәрелгән, ә гадәттән тыш хәлдән соң тикшерү проблемалар ачыкламаган. Шуңа да карамастан, газ колонкасын газчылар төтен юлларын тикшерү актын алганчыга кадәр сүндерделәр.
Ведомствода билгеләп үтүләренчә, ел башыннан Татарстанда 100 инцидент һәм 24 газ белән агулану очрагы булган. Һәр өченче очрак – Бөгелмә районында.
Торак инспекциясе барлык инцидентларны тикшерә башлады, дип яза Татар-информ
Нет комментариев