Фирдүс Тямаев оятка калган

автор, 18 ноябрь 2019 - 15:34

2138

Гастрольләрдә булган чакта артистлар белән нәрсә генә булмаска мөмкин. Фирдүс Тямаев узган концертларының берсендә кызыклы хәлгә тарыган.

Берничә көн элек артистның инстаграмында видео пәйда булды. Биредә сәхнәдә чыгыш ясаганда Фирдүснең чалбары ертылып китә. Тиз арада ул төркеме ярдәмендә сәхнәдән китеп, яңа чалбар кияргә мәҗбүр була. Бу хакта җырчы: «Уууфф, үләм! Просто сүз юк. Оятка калдым! То күлмәк, то чалбар», – дип язган.

Фирдүснең хезмәттәше, юмор остасы Әбри Хәбриев, бу хакта: «Сүтеләсең, брат! Ремонт кирәк», – дип шаярткан. Бер карасаң, артистларның сәхнәдәге хәрәкәтенә нинди генә кием түзсен? Була торган хәл, тамашачылар да барысын да юмор белән кабул иткән.

Автор: Резеда Галикәева