Илнурны шәхсән белгән кешеләр аны шат күңелле кеше дип искә алды.

Түбән Каманың Җиңү мәйданында 26 февральдә Украинадагы махсус хәрби операция барышында һәлак булган хәрби хезмәткәр Илнур Сибгатуллин белән хушлаштылар. 

"Ул үзенең хәрби бурычын үтәгәндә һәлак булды. Бүген бирегә шәһәрнең төп мәйданына җыелган Илнурның туганнары, якыннары, дуслары, гомумән, Түбәнкамалыларның кайгысын бернинди сүзләр дә баса алмый. Әйе, Илнур үзенә аңлы рәвештә әлеге юнәлешне сайлады һәм гомеренең соңгы минутына кадәр антына тугры калды. Үзенең хәрби бурычын үтәп, чын батырлык, ныклык һәм үз ватанына тугрылык үрнәген күрсәтте. Аның Ватанга хезмәт итү турындагы карары - үз халкының лаеклы улы билгесе, чын батыр үрнәге. Илнур Фәнис улын белгән кешеләрнең хәтерендә нәкъ менә шундый булып истә калачак", - дип якыннарының кайгысын уртаклашты Түбән Кама башкарма комитеты җитәкчесе Рамил Муллин.

Үз Ватанының данлы улына мәңгелек истәлек!
Тантанада катнашкан Дәүләт Думасы депутаты Айдар Метшин да шулай ук Сибгатуллинның герой буларак һәлак булуын билгеләп үтте. "Бөтен Россия, бөтен Татарстан, Түбән Кама белән бергә кайгыра. Үз Ватанының данлы улына мәңгелек истәлек! "- диде Айдар Метшин.

Подполковник Михаил Давыдов һәлак булган егетнең туганнарына һава-десант гаскәрләре командованиесе исеменнән кайгы уртаклашуын белдерде. «Илнурны инде берничек тә кире кайтарып булмый, әмма ул үзенең хәрби бурычын намус белән үтәде. Ул аңлы рәвештә армия сафларына басты, берничә тапкыр Чечня Республикасында контртеррористик операцияләрдә катнашты", - дип сөйләде Давыдов.

 Илнурны шәхсән белгән кешеләр аны шат күңелле кеше дип искә алды.
"Ачык, сөйкемле егет иде, гел елмаеп йөрде. Аны әллә кайдан танып була, озын буйлы, киң гәүдәле егет. Һәрвакыт үз фикере булды», - дип искә ала Илнурның сыйныфташы Миләүшә Зиннурова.

Дәвамын Шәһри Казаннан укый аласыз