Хатынына ачулы ир 13 каттан 3 яшьлек баласы белән сикерергә җыенган булган

автор, 14 июль 2021 - 11:20

1414

Иркутскида яшәүче ир 13нче кат балконыннан өч яшьлек баласын тотып сикерү белән яный. Әлеге хәлгә гаиләдәге низаглар сәбәпче булган, дип фаразлый хокук сакчылары.

Хатынына ачулы ир 13 каттан 3 яшьлек баласы белән сикерергә җыенган булган

Ир хатынын хыянәттә гаепли. Ә хатыны сүзләренә караганда, 10 июльдә аны ире кыйнаган. Зыян күргән хатын хокук сакчыларына гариза язган. Хатын әгәр ире бала белән сикермәсә, гаризаны кире алырга вәгъдә биргән.

Балигъ булмаганнар эшләре буенча инспектор, Гадәттән тыш хәлләр министрлыгы психологы өч сәгать үгетләгәннән соң, ир башта баланы җибәргән һәм бераздан үзе өйгә кергән. Сикерү белән янаган ирне полиция хезмәткәрләре тоткарлаган. Сабыйның сәламәтлегенә зыян килмәгән. Хәзер әлеге факт буенча тикшерү эшләре бара.