Арск-Информ

Арча районы

Рус Тат
Яңалыклар

Мәгариф һәм фән министрлыгы яшь укытучыларга өстәмә акчаны арттыруны сорады

Татарстанның Мәгариф һәм фән министрлыгы республика Хөкүмәтеннән яшь педагогларга өстәмә акчаны арттыруны сорый. Бу хакта ТР Дәүләт Советының Мәгариф, мәдәният, фән һәм милли мәсьәләләр комитеты утырышында мәгариф һәм фән министрының беренче урынбасары Андрей Поминов әйтте.

"Премьер-министр адресына безнең тарафтан яшь педагогларга өстәмә акчаны 2,5 мең сумга кадәр арттыру турында тәкъдим кертелде. Хәзер исә, беренче өч ел эчендә яшь укытучыларга 1 111 сум түләнә", - диде Поминов.

Ул урта һөнәри белем учреждениесен тәмамлаганнан соң ставкага эшләүче яшь педагогның хезмәт хакы 16 мең сумнан ким, вуздан соң - 18 мең сум булуын әйтте. 

Татарстанның мәгариф системасында 64 меңнән артык педагогик хезмәткәр эшли, шул исәптән 32 мең укытучы һәм 16 меңнән артык балалар бакчасы тәрбиячесе. Укытучының уртача яше - 48 яшь, пенсия яшендәгеләр - 20 процентка якын.

Реклама

Чыганак: https://tatar-inform.tatar/news/magarif-ham-fan-ministrlygy-yas-ukytucylarga-ostama-akcany-arttyruny-sorady-5856965

Хәзер Арча һәм Арча районы яңалыкларын безнең Telegram-каналдан да белә аласыз

 

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев