Татарстан Рәисе Рөстәм Миңнеханов Россия Кулланучылар кооперациясе системасының 195 еллыгына багышланган пленар утырышта катнашты. Чара Биектау районының Чыршы авылында узды, дип хәбәр итә республика башлыгының матбугат хезмәте.
Утырыш башланганчы Рөстәм Миңнеханов Россия Федерациясе Кулланучылар җәмгыятьләре үзәк берлеге Советы Рәисе Дмитрий Зубов белән бергә Татарстан Кулланучылар җәмгыятьләре берлеге күргәзмәсен карап чыкты, анда авыл хуҗалыгы кооперациясе предприятиеләре үз продукцияләрен тәкъдим иттеләр. Модераторы - Россия кооперация университеты ректоры, Казан кооператив институты ректоры Алсу Нәбиева. Докладлар белән шулай ук Татарстан Кулланучылар оешмалары берлеге идарәсе рәисе Рашат Шәймәрданов һәм Дмитрий Зубов чыгыш ясады.
Катнашучыларга мөрәҗәгать итеп, Рөстәм Миңнеханов барысын да истәлекле дата белән котлады. Ул Дөбъяз авылындагы яңа кибеттән алган тәэсирләре белән уртаклашты.
Республика башлыгы Кулланучылар кооперациясе системасы дәүләт ярдәмен алырга тиешлеген ассызыклады. Аның сүзләренә караганда, шәхси бизнес ерак авыл территорияләрендә сәүдәне тәэмин итә алмый, шуңа күрә бу бурыч дәүләт һәм кулланучылар кооперациясендә кала. Шул ук вакытта эре торак пунктларда сәүдә эшмәкәрләр кулында калачак, әмма авылда заманча шартлар һәм сервис булдырырга кирәк.
Чыганак: Татар-информ
Нет комментариев