6 августта, республика халкын коры һәм җылы һава торышы көтә, әмма иртән урыны белән томан булуы ихтимал, ә көндез җил секундына 12 метрга кадәр көчәергә мөмкин.
Татарстан Гидрометеоүзәге мәгълүматларына караганда, бу көнне сизелерлек явым-төшем көтелми. Иртән һәм төнлә республиканың кайбер районнарында томан барлыкка килергә мөмкин, шуңа күрә машина йөртүчеләргә юлларда игътибарлы булырга кирәк.
Җил төньяк-көнбатыштан исәчәк, аннары көньяк-көнбатышка алышыначак. Аның тизлеге 4-9 м/с тәшкил итәчәк, ә көндез урыны белән 12 м/с ка кадәр җитәр дип көтелә.
Төнлә температура +10...+15 градуска кадәр төшәчәк. Казанда термометр баганалары +13... + 15 күрсәтәчәк, ә түбәнлекләрдә +11... + 13 ка кадәр суытырга мөмкин. Көндез республикада һава +23...+28 градуска кадәр җылыначак, Казанда аеруча җылы булачак - +26+ + 28.
Нет комментариев