Тикшерү бара

Газетабызда 30 августта Үзәк стадионга төшкән юлда тауга менүче “Киа Рио” машинасы белән таудан төшүче велосипедчы бәрелешүе турында хәбәр басылган иде. Нәтиҗәдә, тугыз яшьлек бала зыян күрде, Казанга хастаханәгә озатылды.

Тикшерү барышында “Киа Рио” машинасын йөртүченең таныклыгы булмавы ачыкланды. Рөхсәт ителмәсә дә, руль артына утырган. Таудан менгәндә ул велосипедта төшеп килүче ике бала белән очраша. Алар машинаны күреп икесе ике якка китә. Бәрелмәс өчен каршы як полосага чыгарга мәҗбүр булган машина йөртүче шул ук якка чыккан велосипедчы белән бәрелешә.

Әлеге вакыйга буенча тикшерү дәвам итә.