Арск-Информ
  • Рус Тат
  • Транспортта QR-кодларны тикшерү тәртибе билгеләнде

    Автобус хәрәкәтен башлый торган беренче тукталышта пассажирларны керткәндә үк QR-код тикшереләчәк, аннары кондуктор билет сатар алдыннан кодны карый.

    (Казан, 19 ноябрь, «Татар-информ», Эвелина Киселева). Автобусның беренче тукталышында QR-кодлар җәмәгать транспортына керер алдыннан тикшереләчәк. Бу хакта «Татар-информ» мәгълүмат агентлыгында узган матбугат конференциясендә ТР Транспорт һәм юл хуҗалыгы министрлыгының транспорт идарәсе башлыгы Алексей Сидоров сөйләде.

    Автобус хәрәкәт башлый торган беренче тукталышта QR-кодларны пассажирларны керткәндә тикшерәләр, алга таба аларны кондуктор билет сатар алдыннан карый торган була», - диде спикер.

    Яңа Covid-чикләүләрне контрольдә тоту өчен урыннарда ПАТП хезмәткәрләреннән, хокук саклаучылардан һәм муниципалитет хезмәткәрләреннән торган мобиль төркемнәр оештырыла.

    Реклама

    Алексей Сидоров татарстанлыларга бу процедурага тыныч карауларын сорады. Кондукторлар үз эшләрен генә башкарачак, чөнки ТР Министрлар Кабинеты карары белән QR-кодларны тикшерү бурычы аларга йөкләнә. Алар ковид вазгыяте аркасында республикада шундый катгый чаралар кертелүдә гаепле түгел, диде профильле ведомство вәкиле.

     https://tatar-inform.tatar/news/society/19-11-2021/transportta-t-rle-tuktalyshlarda-qr-kodlarny-tiksher-t-rtibe-bilgel-nde-5843486

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: