Арск-Информ
  • Рус Тат
  • Вакцина ясатканнан соң кемгә үлем яный?

    Галимнәр коронавирустан прививка ясатканнан соң кемнәрнең үлү ихтималлыгын ачыклаган.

    Моны Италиянең Сәламәтлек саклау институты галимнәре белдерә. Бу хакта Reuters хәбәр итә.

    Тикшеренүчеләр 2021 елның 1 февраленнән 5 октябренә кадәр итальяннар арасында COVID-19дан үлүчеләр турында мәгълүматларны анализлаган. Бу вакыт эчендә 38 мең кеше үлгән, шуларның 33,6 меңе - вакциналанмаган, 2130ы прививканың беренче дозасын алган яисә вакциналанудан соң озак та үтми чир йоктырган, ә 1440 кеше тулысынча вакциналанган булган.

    Вакциналанган кешеләр арасында үлүчеләр уртача 85 яшьтә, моннан тыш, аларда бишкә якын хроник авыру — барыннан да ешрак йөрәк, яман шеш һәм деменция авырулары булган. Вакцина ясатмаганнарның уртача яше 78 тәшкил итә, гадәттә, аларда да хроник авырулар күзәтелә, ләкин аз санда.

    Шулай итеп, COVID-19дан үлү куркынычы авыр хроник чирләре булган бик өлкән кешеләр арасында саклана, дип йомгаклый тикшеренүчеләр.

    Фото: ria.new

    Автор:Резеда Галикәева

    Реклама

    https://kiziltan.ru/articles/zdorovie/2021-10-25/vaktsina-yasatkannan-so-kemg-lem-yanyy-2558785

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: