Арск-Информ
  • Рус Тат
  • Җәйге лагерьга юллама бәясенең 50 проценты кире кайтарылачак

    Путин шулай ук студентлар туризмы өчен өстәмә мөмкинлекләр булдырырга һәм сынау проектын эшләтеп җибәрергә кирәклеген әйтте.

    Быел Россия халкына балалары җәйге лагерьга барганда юллама бәясенең 50 проценты кире кайтарылачак. Бу хакта Россия Президенты Владимир Путин Федераль Җыенга еллык юлламасында әйтте.

    «Без балаларыбызның сәламәтлегенә аерым игътибар бирергә тиеш. Чөнки нәкъ менә балачакта киләчәккә сәламәтлек нигезе салына. Балалар ялын мөмкин кадәр уңайлы итәргә кирәк. Шуңа бәйле рәвештә, быел балалар җәйге лагерьга барганда юлламаның яртысын кире кайтарырга тәкъдим итәм», — диде дәүләт башлыгы.

    Путин шулай ук студентлар туризмы өчен өстәмә мөмкинлекләр булдырырга һәм быел ук җәй көне ил буйлап сәяхәт итүче студентлар өчен сынау проектын эшләтеп җибәрергә кирәклеген әйтте.

    Реклама

    «Әлбәттә, олимпиадаларда, волонтерлык һәм иҗади инициативаларда, „Россия — мөмкинлекләр иле“ платформасы проектларында үзләрен күрсәткән яшьләрне бүләкләргә кирәк. Мондый балаларга туристик путевка өчен акчаны өлешчә кире кайтару программасы каникуллар вакытында да, югары сезон чорында, гамәлдә булачак. Моңа кадәр без мондый карарлар кабул итмәдек», — дип искәртте РФ Президенты.

     https://tatar-inform.tatar/news/science/21-04-2021/balalar-yge-lagerga-barganda-yullama-b-yasene-yartysyn-kaytarachaklar-5820613

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: