Арча районы башлыгы төзекләндерү объектлары өчен онлайн-тавыш бирергә чакыра

«Арча муниципаль районы» МАКС каналында Арча районы башлыгы Алмаз Хисаметдинов онлайн-тавыш бирергә чакыра. 

Киләсе елда районыбызның нинди иҗтимагый киңлеген төзекләндерергә икәнен сайлыйбыз. Тавыш бирүдә барлыгы 3 объект катнаша.

Тавыш бирергә мөмкин:

- http://zagorodsreda.gosuslugi.ru сайтында, моның өчен дәүләт хезмәтләре Порталы аша авторизация узарга кирәк; 

- «Госуслуги. Решаем вместе» мобиль кушымтасы аша;

- тавыш бирү волонтерлары ярдәмендә - аларны «Мәрхәмәтле Татарстан»дип язылган махсус киемнәреннән танып була.

Онытмагыз, бер генә иҗтимагый киңлек өчен тавыш бирергә мөмкин.

Иҗтимагый киңлекләр өчен тавыш бирү «Яшәү өчен Инфраструктура» милли проектының «Уңайлы шәһәр мохитен формалаштыру» Федераль проекты кысаларында уза.