Арча районы Курса-Почмак авылы халкы махсус хәрби операция зонасына 100 мендәр теккән
Авылдагы чираттагы хәйрия эше турында безгә Курса-Почмак мәдәният йорты директоры Сәрия Фәсхиева хәбәр итте
Курса-Почмак авылында махсус хәрби операция зонасына һәрдаим ярдәм итү чаралары оештырылып тора. Мәдәният йорты, мәктәп, китапханә, шәхси эшмәкәрләр, авыл халкы берләшеп, яу кырындагы ир-егетләргә кирәк-яраклар җибәрә.
Мәдәният йорты директоры Сәрия Фәсхиева белән элемтәгә кердек. Күптән түгел генә биредә хәйрия ярминкәсе узган, хәрби операциядә булучыларның өйләренә барып, якыннарының хәлләрен белеп торалар.
- 29 октябрь көнен мендәрләр көне дип игълан иттек. СВО да хезмәт итүче егетләребезгә йөрәк җылыбызны биреп, йомшак мендәрләр ясадык. Тегүче кызларыбыз Гүзәлия Хәсәнова, Флера Исмәгыйлева, Резидә Сәмигуллина, Алсу Шәйхиева, ирле-хатынны Хафизовлар, Гадилә Гыйләҗиева, Вәсилә Мотыйгуллина тегү машиналары белән тышлыклар тектеләр. Апаларга, кызларга, булышкан һәркемгә зур рәхмәт.100 штук булды, Аллаһка шөкер, – диде Сәрия ханым
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев