Арчадан «Әлифба» командасы беренче урынга лаек булды

Болгар шәһәрендә  «Ага Базар» Халыкара этномәдәни фестиваль кысаларында «Аулак өй – көрәш» Төбәкара проектының финал ярышлары узды.
  «Аулак өй – көрәш» төбәкара конкурсы милли мирасны баету һәм популярлаштыру, татар халкының үзенчәлекле мәдәниятен пропагандалау һәм саклау максатыннан ел дәвамында үткәрелә.
  Болгардагы финал ярышларына елга йомгак ясап, әдәби көрәшкә һәм бүләкләү тантанасына Республикабызның Арча, Балтач, Балык Бистәсе районнары, Чувашия, Киров өлкәсенең Малмыж районы, Мордовиядән Ләмберә районы командалары чакырулы иде.
  Арча районының "Әлифба" командасы финалда бик уңышлы чыгыш ясап I урынга лаек булды. Командабыз август аенда Санкт-Петербург каласында яшәүче милләттәшләребез өчен үрнәк «Аулак өй- көрәш» бәйгесе үткәрү өчен чакыру алды.
  Җиңүчеләребезне котлыйбыз! Санкт-Петербург каласында да матур чыгышлар телибез...
  #АрскКультура