Арчада "Мәрхәмәтлек" үзәге хезмәткәрләре һөнәри династияләрне тәбрикләде

15 майда Бөтендөнья гаилә көне билгеләп үтелә. Гаилә – һәр кеше тормышында иң мөһиме. Бу көнне Арчаның Мәрхәмәтлек үзәге һөнәри династияләрне зурлау акциясенә кушылды. Дәүләтшина Нурсөя Ринат кызы гаиләсендә дүрт кеше тормышын социаль хезмәткә багышлаган. Гаилә һәм балаларга социаль хезмәт күрсәтү бүлеге мөдире Нурсөя Ринат кызы Мәрхәмәтлек үзәгендә 2000 нче елдан бирле хезмәт куя. Аның әтисе Халиуллин Ринат Асат улы озак еллар Әлки районы социаль яклау мөдире булып эшләгән. Энесе белән сеңлесе дә  бу һөнәри династиянең дәвамчылары.
Мәрхамәтлек үзәге директоры Шакирова Миләүшә Нияз кызы коллектив исеменнән Нурсөя Ринат кызын Гаилә көне белән тәбрик итте, аңа чәчәкләр һәм истәлеклк бүләк тапшырды һәм алдагы эшчәнлегендә уңышлар теләде. Шулай ук гаилә гаилә мөнәсәбәтләренең мөһимлеген ассызыклады, барлык хезмәткәрләргә гаилә иминлеге һәм сәламәтлек теләде.