Арчада тагын берәү

автор, 29 июнь 2020 - 12:26

957

Республикада коронавирус инфекциясе диагнозы куелган 1137 кеше дәвалана.

Узган тәүлектә Татарстанда Covid-19 коронавирусының 42 яңа очрагы ачыкланган, шулар арасыннан Арчадан берәү.

Элеккечә иң күп авыручылар Казанда — 20 кеше һәм Чаллыда — җиде кеше. Районнар арасында Нурлат алда бара, анда узган тәүлектә өч авыру очрагы ачыкланган.

Коронавирус пандемиясе башланганнан бирле Татарстанда барлыгы 4514 авыру очрагы теркәлгән. 3362 кеше дәваланып беткән, шул исәптән узган тәүлектә 53 кеше терелгән. 1137 кеше әле дә дәвалана.