“Ашыт” һәм “Заря” ширкәтләрендә техник караулар узды

4 апрельдә Арча районының “Ашыт” һәм “Заря” ширкәтләрендә еллык техник карау графигы нигезендә үзйөрешле машиналарны һәм тагылмаларны еллык техник карау узды. Техник карау өчен “Ашыт” ширкәте – 28, “Заря” агрофирмасы 39 техника алып килгән.

“Механизаторлар еллык техник тикшерүгә әзерләнүгә җаваплы караганнар, техника куелган таләпләргә туры килә һәм аңа техник тикшерүне узу турында таныклык биреләчәк”, – дип билгеләп үтте Татарстан Республикасы Дәүләт техника күзәтчелегенең Арча муниципаль районы буенча бүлеге баш дәүләт инженер-инспекторы Габделхак Касыймов.