Арча яңалыклары

Киләчәктә дә дәүләт ярдәме булачак

9 декабрь 2025 - 16:04 Автор:

Ильяс Фәттахов

665

9 декабрьдә Арчада хуҗалык итүнең кече формаларын үстерү, ярдәм программаларын өйрәнүгә багышланган семинар булды.

Анда ТР Авыл хуҗалыгы һәм азык-төлек министры урынбасары Нияз Хурамшин, ТР фермер, крестьян хуҗалыклары һәм авыл хуҗалыгы кооперативлары ассоциациясе президенты Камил Байтемиров, министрлык белгечләре, район авыл хуҗалыгы һәм азык-төлек идарәсе җитәкчесе Ленар Абдуллин, район фермерлары катнашты.

Кунаклар башта Арча сәнәгать паркында, Наласа авылында Фоат Гариповның шәхси хуҗалыгында булдылар.
Соңыннан район крестьян-фермер хуҗалыклары, кооперативларның 2025 елда эш йомгаклары, аларга дәүләт ярдәме программалары турында эшлекле сөйләшү булды.