Казанның Яңа Татар зиратындагы күренекле татар эшлеклеләренең өч кабере рәсми рәвештә мәдәни мирас объекты була ала. Экспертизалар республиканың мәдәни мирас объектларын саклау комитетына килде инде.

Кемнең каберләрен мәңгеләштерергә телиләр:

-Шиһабетдин Мәрҗани (1818-1889) — дин белгече, тарихчы, мәгърифәтче. Аның хезмәтләре татар халкының дини һәм иҗтимагый фикер үсешенә йогынты ясый;
-Һади Максудов (Максуди) (1868-1941) — иҗтимагый-сәяси эшлекле, педагог, тел белгече, журналист. Күренекле мәгърифәтчеләрнең берсе;
-Галимҗан Баруди (Галиев) (1857-1921) — мөфти, җәдитчелек идеологы, «Мөхәммәдия»мәдрәсәсенә нигез салучы.

Экспертлар объектларның тарихи-архитектура, сәнгать, фәнни һәм мемориаль кыйммәтен билгеләп үттеләр. Реестрга кертү аларга дәүләт саклавын тәэмин итәчәк һәм киләчәк буыннар өчен күренекле кешеләр турында хәтерне саклаячак.

Тулырак: https://tulachi.ru/news/v-respublike/kaberlare-madani-miras-obieekty-bulacak?utm_source=yxnews&utm_medium=mobile&utm_referrer=https%3A%2F%2Fdzen.ru%2Fnews%2Fstory%2F1f55b2c6-b665-5f9c-9987-605a4bdadfeb