Район Советы утырышында район башлыгы Рәхмәт хатлары тапшырды

Утырышта “Арча муниципаль районының 2023 елга бюджеты үтәлеше проекты турында“, “Арча муниципаль районының 2024 елның 1 кварталында бюджеты турында“, “Татарстан Республикасында, шулай ук Арча муниципаль районында 2023 елда кеше һәм гражданинның хокукларын һәм иреген саклау турында“гы һәм муниципаль хокук актларына үзгәрешләр һәм өстәмәләр кертү турындагы мәсьәләләр каралды. Алар белән сез районның рәсми сайтында таныша аласыз.

Район башлыгы Илшат Нуриев озак еллар намуслы хезмәтләре, Татарстан Республикасының җәмәгать-сәяси тормышында актив катнашулары өчен һәм 65 яшь тулу уңаеннан хезмәт ветераны, районның хатын-кызлар советы рәисе Гатауллина Альмира Мидхәт кызына, район Иҗтимагый советы рәисе, Татарстан Республикасында Кеше хокуклары буенча вәкаләтле вәкиленең Арча районындагы җәмәгать ярдәмчесе Мифтахетдинова Надия Равил кызына Татарстан Республикасы Дәүләт Советы Рәисенең Рәхмәт хатларын тапшырды.