Рөстәм Мөхәммәдиевкә дәүләт премиясе исеме бирелде

Татарстан Республикасы Рәисе Р.Н.Миңнеханов Указы белән “Экологиягә зарарсыз яңа биология технологияләрен Татарстан Республикасының агросәнәгать комплексына файдалануга кертү һәм аларның икътисадый нәтиҗәлелеге өчен“ авыл хуҗалыгы фәннәре кандидаты, “Вамин Татарстан идарәче компаниясе“ җаваплылыгы чикләнгән җәмгыяте авыл хуҗалыгы  җитештерүе комплексы директорының үсемлекчелек буенча урынбасары Мөхәммәдиев Рөстәм Харис улына “Фән һәм техника өлкәсендә Татарстан Республикасы дәүләт премиясе лауреаты“ исеме бирелде.