Казанда XVIII Халыкара «Содружество талантов» фестиваль-конкурсы узды. Анда Арча районыннан катнашучылар уңышлы чыгыш ясап, төрле дәрәҗәдәге лауреат исемнәренә лаек булдылар.
«Аллегро» үрнәк хореография коллективының өлкәннәр төркеме (җитәкчесе — Аида Ондрина) I һәм II дәрәҗә лауреат дипломнары белән бүләкләнде.
Балалар сәнгать мәктәбенең театр бүлегендә белем алучы Нурсолтан Фәйзрахманов «Шигъриятне сәнгатьле уку. Соло» номинациясендә I дәрәҗә лауреат исемен яулады. Аның укытучысы — Ләйсән Ахунова.
Арча гимназиясенең 5 нче филиалы базасында эшләүче «Алтын ай» фольклор ансамбле дә фестивальдә уңышка иреште. Ләйсән Ахунова һәм Миләүшә Сәгыйтова җитәкчелегендәге коллектив «Вокаль-хореографик ансамбль» номинациясендә II дәрәҗә лауреат дипломына лаек булды.
Нет комментариев