Арча яңалыклары
Татарстанда тагын бер коронавирус очрагы теркәлгән
Covid-19 авырулы хатын-кыз республикага Аргентинадан килгән.
Татарстанда тагын бер коронавирус Covid-19 авыруын ачыкладылар. Бу хакта «Татар-информ»га Татарстан Президенты матбугат хезмәте җитәкчесе Лилия Галимова сөйләде.
Пациент хатын-кыз авыруны Аргентинадан алып килгән, ул Мәскәү аша транзит белән килгән. Татарстанга әлеге хатын-кыз SU1278 рейсы белән килеп җиткән.
«Пациент республика йогышлы авырулар хастаханәсендә медицина күзәтүендә. Үзен яхшы хис итә, температурасы юк», — диде Галимова.
Авыру хатын-кыз белән бер рейста самолетта очкан пассажирларны, шулай ук аның белән элемтәгә кергән кешеләрне коронавируска тикшергәннәр, дип өстәде Татарстан Президенты матбугат хезмәте җитәкчесе.
Татар-информ
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев