Татарстанның иң яхшы территориаль иҗтимагый үзидарәләре арасында арчалар да бар

Чарада Татарстан Республикасы Премьер-министры урынбасары Мидхәт Шаһиәхмәтов, Татарстан Республикасы Рәисе Территорияләр белән эшләү идарәсе башлыгы урынбасары Илдар Ибраһимов, Татарстан Республикасы Дәүләт Советының Дәүләт корылышы һәм җирле үзидарә комитеты рәисе Альберт Хәбибуллин, конкурста җиңүчеләр һәм призерлар, шулай ук конкурс комиссиясе әгъзалары, муниципаль районнар һәм шәһәр округлары башлыклары урынбасарлары, муниципалитетларның территориаль иҗтимагый оешмалар белән эшләү өчен җаваплы хезмәткәрләре катнашты.

Җыелучылар алдында чыгыш ясап, Татарстан Республикасы Муниципаль берәмлекләр советы рәисе Әгъзам Гобәйдуллин территориаль иҗтимагый үзидарәләрнең (ТИҮ) эшен югары бәяләде. Ул билгеләп үткәнчә, бүгенге көндә республика территориясендә 522 ТИҮ эшли, аларның эшчәнлеге белән Татарстанда яшәүче 1,6 миллионнан артык кеше колачланган.

Чарада Арчаның «Көнбатыш» территориаль иҗтимагый үзидарәсе (Җитәкчесе - Руслан Гыйниатуллин) һәм «Көньяк» территориаль иҗтимагый үзидарәсе (җитәкчесе – Ленар Васильев) дә җиңүчеләр арасында. «Бирелгән акчалар әлеге территорияләрне төзекләндерүгә тотылачак», – дип белдерде җитәкчеләр

Чыганак: https://sovmo.tatarstan.ru/index.htm/news/2513020.htm?ysclid=mo8b2wy525270243883