Төбәк - Чокырча авылында газ котелы шартлаган

Бүген Төбәк-Чокырча авылында газ котелы АГВ шартлаган. Тимер юл буендагы урамда үз йортлары белән яшәүче Наумовларда була бу хәл. Рзсми булмаган мәгьлуматларга караганда,  хуҗа йортын газ котелы белән җылыта. Ә газ вакытында түләмәгән өчен өзелгән була. Хуҗа газ баллонын котелга тоташтыра. 

Йортта янгын чыкмаган, өйнең стенасы һәм түбәсе өлешчә җимерелгән. 

Газ шартлаудан зыян күрүчеләрне (төрле дәрәҗәдә пешкәннәр) Арча хастаханәсенә китергәннәр. Фаҗиганың сәбәбе ачыклана.Утын мичен бензин сыекчасы белән кабызганда килеп чыккан шартлау дигән фараз бар.