Хәтер яши: Арчаның 2нче балалар бакчасы тәрбиячеләре Җиңү паркында өмә үткәрделәр

Батырлык белән сугарылган бу парк балалар бакчасы хезмәткәрләре өчен ял итү урыны гына түгел, ә Хәтер символына әверелде.

Язның якты иртәсендә балалар бакчасы хезмәткәрләре, тырма, көрәк, себеркеләр белән коралланып, паркка керү юлына җыелдылар. Һәркемнең кәефе күтәренке. Җиңү паркы – ул изге урын, анда һәр таш, һәр аллея Совет халкының Бөек Ватан сугышында күрсәткән батырлыгын искә төшерә.

Паркта эш гөрләде. Хезмәткәрләр фронтларда сугышкан бабалары һәм бабаларының бабалары, тылда җиңү яулаучылар турында истәлекләре белән уртаклаштылар.

Көн азагына Җиңү паркы чистарып, матурланып калды.

Җиңү Паркындагы өмә территорияне җыештыру гына түгел, ә гражданлык җаваплылыгы һәм патриотизм акты булды. 2 нче балалар бакчасы хезмәткәрләре үз хезмәтләре белән үсеп килүче буынга геройлар истәлеген хөрмәт итәргә һәм үз тарихыңны сакларга кирәклеген күрсәттеләр.