1 декабрьдән торак-коммуналь хезмәтләр бәясе артачак

автор, 14 ноябрь 2022 - 13:36

799

Россиядә салкын һәм кайнар суга, электр энергиясенә, җылылык, газга һәм каты коммуналь калдыкларны чыгаруга тарифлар агымдагы елның 1 декабреннән кыйммәтләнә. Икътисади үсеш министрлыгы Россиянең социаль-икътисади үсеш фаразын төзегән һәм тарифлар индексациясен 2023 елның 1 июленнән 1 декабрьгә күчерү турында карар кабул иткән, дип яза «Известия».

1 декабрьдән торак-коммуналь хезмәтләр бәясе артачак

Тарифлар 9 проценттан артмаячак, дип билгеләп үтелә. Монополиягә каршы федераль хезмәт инициативасы белән газ бәясе 8,5 процентка артачак.

Икътисади үсеш министрлыгы матбугат хезмәте газ бәясенең кыйммәтләнүе инфраструктураны яңарту һәм газлаштыру программасын дәвам итү зарурлыгы турында хәбәр итте.
Киләсе елда тарифлар 1 июльдә артыр дип фаразлана.