Россия Дәүләт Думасы депутатлары РФ Цифрлы үсеш министры Максут Шадаевка федераль дәүләт хезмәтләре порталында үз көченә керә торган законнар турында хәбәр итү һәм яңа нормалар аңлату өчен аерым система булдырырга тәкъдим иттеләр. Бу хакта ТАСС хәбәр итә.
Инициатива авторлары Дәүләт Думасы вице-спикеры Владислав Даванков җитәкчелегендәге «яңа кешеләр» фракциясеннән парламентарийлар булды. Алар фикеренчә, хокукый актларны рәсми бастырып чыгаруны алмаштырмыйча, мондый система гражданинга иң әһәмиятле новеллалар турында вакытында белергә һәм аларның шәхсән аның өчен нәрсә әһәмиятле булуын аңларга ярдәм итә алыр иде.
Тәкъдим гамәлгә ашырылган очракта гражданнарның хокукый мәгълүматлылыгы артырга тиеш. Аерым алганда, россиялеләр ярдәм чаралары артыннан мөрәҗәгать итү срокларын үткәргән ситуацияләр саны кимиячәк. Моннан тыш, гражданнарның дәүләт органнары белән үзара хезмәттәшлеге яхшырачак һәм цифрлы дәүләт сервисларына ышаныч артачак, дип ышана запрос инициаторлары.
Болардан тыш, мондый чара хокукый хаталарны профилактикалауга һәм гражданнарга аңлаешлы алдан мәгълүмат бирү хисабына дәүләт органнарына йөкләнешне киметүгә ярдәм итәчәк, дип саный депутатлар.
Чыганак: Татар-информ
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев