Дәүләт хезмәтләре Порталы аша онлайн килгән гаризалар буенча 2700дән артык җавап әзерләнгән
Дәүләт хезмәтләре порталында мәдәни мирас объектларын саклау буенча сервислар үсеш ала.
Татарстан Республикасының мәдәни мирас объектларын саклау комитеты республика халкына тарихи биналарны саклау буенча документларны Россия Федерациясенең Бердәм дәүләт һәм муниципаль хезмәтләр Порталы аша тапшыру мөмкинлеге турында искә төшерә. Заманча һәм уңайлы онлайн-сервислар «Мәгълүматлар икътисады» илкүләм проекты буенча үсә.
Комитет 15 дәүләт хезмәте күрсәтә, аларны дәүләт хезмәте сайтында онлайн алырга мөмкин, бу эшне нәтиҗәлерәк итә. 2025 елда комитет хезмәткәрләре 2701 дәүләт хезмәте күрсәткән. Сорауларның күп өлеше дәүләт хезмәтләре Порталы аша бирелгән.
Төзелеш һәм хуҗалык эшчәнлегенең башка төрләре өчен билгеләнгән җир кишәрлекләрендә мәдәни мирас объектлары булу-булмавы турында 1919 бәяләмә бирелгән. Төзелеш башланганчы җир кишәрлекләренә дәүләт тарихи-мәдәни экспертизасы нәтиҗәләре буенча 318 бәяләмә рәсмиләштерелгән.
Чыганак: https://okn.tatarstan.ru/index.htm/news/2497635.htm
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев