Татарстанда көчле җил 56 агачны аударган
Кичә республикада көчле яңгыр һәм җил нәтиҗәсендә берничә районга зыян килгән. Табигать бәла-казасы нәтиҗәләрен бетерү эшләре дәвам итә.
ТР буенча Россия Гадәттән тыш хәлләр министрлыгының матбугат хезмәте мәгълүматларына караганда, 9 август 20 сәгатькә республикада 56 агачның авуы теркәлгән, дип яза “Татар-информ”. Аларның 52се Бөгелмә районында, икесе Кама Тамагында, берәр агач Баулы һәм Ютазы районнарында ауган. Бөгелмәдә дүрт торак йортның, мәдәният йорты, кибет һәм башка хуҗалык корылмаларының түбәләре зыян күргән, өч автомобильгә зыян килгән. Лениногорск районында ике йорт, гараж һәм бер автомобиль, Азнакай районында ике йорт зыян күргән.
Апас районының Куштово авылындагы күпердә су кимегән, транспорт хәрәкәте өчен әйләнеп узу юллары бар. Район үзәгендә берничә юлны, тугыз участокны һәм ике йортны су баскан. Кама Тамагы районында Юрьев мәгарәләрен өлешчә су баскан, анда булган 10 кеше мөстәкыйль рәвештә куркынычсыз урынга чыккан. Һәлакәт нәтиҗәсендә зыян күрүчеләр юк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев