Яңалыклар
Водолазлар Әлмәттәге күлдә югалган яшүсмер кызның мәетен тапкан
Әлмәттәге күлдә 16.15 сәгатьтә водолазлар ярдан ун метр ераклыкта һәм биш метр тирәнлектә кыз баланың мәетен тапкан. Яшүсмерне ярга чыгарганнар. Мәетне полиция хезмәткәрләренә тапшырганнар.
Әлмәт прокуратурасы Шевченко урамындагы шәһәр күлендә 16 яшьлек кызның үлү факты буенча тикшерү оештырган.
«Вакыйга урынына Әлмәт прокуроры урынбасары Сергей Карамзин чыкты. Күзәтчелек ведомствосы балигъ булмаганнарны күзәтүсез калдыруны профилактикалау турындагы закон таләпләрен үтәүне тикшерәчәк, шулай ук җирле үзидарә органнарының су объектларында кешеләрнең иминлеген тәэмин итү эшенә хокукый бәя бирәчәк», – дип хәбәр итте ТР прокурорының өлкән ярдәмчесе Руслан Галиев.
Моңа кадәр «Татар-информ» Әлмәттә суга сикереп югалган 16 яшьлек кызны эзләүләре турында хәбәр иткән иде.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев