Арск-Информ
  • Рус Тат
  • Арча мәдәният йортындагы сайлау участогында

    Юл уңаеннан район мәдәният йортына урнашкан сайлау участогына кереп чыктым.

    Арчалылар бүген Россия Конституциясенә төзәтмәләр буенча тавыш бирә. Иртәдән уйный башлаган музыка бәйрәм рухы өстәп, халыкны әллә кайдан үзенә дәшеп тора.

    Кергәндә үк Арчада яшәүче Фәния ханым белән сөйләшеп кердек. Фикерләре белән кызыксындык.

     -- Мошенниклар кармагына эләктем әле, -- дип сөйләде ул.

    -- Сез бит үткен һәм акыллы хатын, ничек алдандыгыз? -- дип сорыйм бик нык гаҗәпләнеп.

    -- Алар бит көчле психолог... Менә шул алдакчыларга, мошенникларга карата законны катгылайтырга кирәк.

    Әле ярый зур суммага (15 мең сум) алданмаган. Алданмаска тырышырга кирәк инде. 

    Реклама

    Шулай да Фәния ханым сайлауга килгән! Җәмәгатьчелек белән дәүләт арасындагы килешүгә ничек битарафлык белдерәсең инде. Безгә бу фикерне Арчада яшәүче Лилия (үзен шулай дип таныштырды) әйтте. "Ничек сайлауга килмисең инде?! -- диде ул. -- Минем ирем авыр кеше. Зарланырга, бөтен дөньяны сүгәргә ярата. Аны сайлауга китереп булмый. Сайлауда катнаш, үз фикереңне белдер, битараф булырга ярамый, дип ачуланам мин аны. Ә, беләсезме, бүген сайлауга барачакмын, диде ул. Эштән кайткач. Бу минем өчен зур җиңү!"

    Урамда сөйләшеп торабыз. Безнең сүзгә бер ир кеше кушылды. "Кеше теләсә нәрсә сөйли. ватсапка теләсә нәрсә язып җибәрәләр. Янәсе гаилә кереме җан башына аз була икән, балаларны хөкүмәт гаиләдән тартып алачак. Бу нинди әкият инде? Хөкүмәткә синең балаң кирәкме? Конституциядә ул турыда сүз юк бит".

    Пенсионерлар белән дә сөйләштек. Аларның теләге: "Ил--көннәр тыныч булсын, пенсияләрне бетермәсеннәр иде".

    Эшләүче пенсионерлар: "Нишләп безнең пенсияләрне индексацияләмиләр? -- дип борчылалар. -- Без бит шул җитмәгәннән йөрибез".

    Ә әти--әниләр балаларының киләчәге турында уйлана.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: