Арск-Информ
  • Рус Тат
  • Арча районы башлыгы И.Г.Нуриев котлавы

    Хөрмәтле Арча районы халкы! Кадерле Бөек Ватан сугышы ветераннары һәм тыл хезмәтчәннәре!

    Сезне Бөек Ватан сугышында Җиңүнең 77 еллыгы белән ихлас күңелдән тәбрик итәм!

    9 Май – илебез тарихында һәм һәрбер гаиләдә аерым, онытылмый торган көн. Үзебезне бердәм халык итеп ачык тоя торган көн башка юк.  Бөек Ватан сугышы ул – безнең уртак кайгыбыз, ә Бөек Җиңү – уртак шатлыгыбыз.

    Солдатлар Җиңүне якынайту өчен һөҗүмгә күтәрелгән, тылда әниләр, хатыннар һәм балалар үзләрен аямыйча хезмәт иткән. Күп еллар үтүгә карамастан, бүген дә аларның һәрберсенең батырлыгын хөрмәтлибез. Сугыш кырында ятып калган, лагерьларда газапланган, ачлыктан һәм яралардан һәлак булган, үз гомерләрен биреп, Ватан азатлыгын һәм бөтенлеген саклаучыларны искә алабыз.

    Реклама

    Хөрмәтле ветераннар! Сезнең чыдамлыгыгыз, батырлыгыгыз, фидакарьлегегез, Ватаныбызның данлы хәрби һәм хезмәт традицияләрен саклап калу һәм арттыру өчен үз-үзегезне аямавыгыз алдында баш иябез.

    Кадерле якташлар, сезгә тынычлык, бәхет, нык сәламәтлек, озын гомер һәм иминлек телим! Җиңү көне белән!

    Муниципаль район башлыгы И.Г.Нуриев

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: