Арск-Информ
  • Рус Тат
  • Арча стадионында “Татарстан кроссы – 2021” ярышлары бара

    Массакүләм ярышларда 5 сыйныф укучыларыннан башлап, олысы да, кечесе дә катнаша.

    Бүген, 18 сентябрьдә Арча стадионы спортчыларның күңелле тавышларыннан гөрләп тора. Бүген биредә сәламәт яшәү рәвешен пропагандалау максатында  “Татарстан кроссы – 2021” ярышлары уза.

    Барлык катнашучылар теркәлеп беткәч, 10 сәгатьтә ярышларга старт бирелде. Мәктәп укучылары, укытучылар, район оешма, предприятиеләр коллективлары – барысы да стартка басарга әзер. Йөгерешкә килүчеләрне район башкарма комитеты җитәкчесе Рәсүл Мөхәрәмов һәм район яшьләр эшләре һәм спорт бүлеге җитәкчесе Ильяс Габделгазизов сәламләде. Катнашучылар яшь категориясенә карап, 1, 2, 3 километерга йөгерә.

    Көннең салкынча булуы гына бераз кәефне төшерсә дә, спортчыларны ул гына куркыта алмый. Оештыручылар – район яшьләр эшләре һәм спорт бүлеге дә катнашучыларга уңай булсын өчен барлык мөмкинлекләрне тудырган. Җылы коймак белән кайнар чәй, стартлар арасында җырлап-биеп күңел ачу кросста катнашучыларга җылыныр өчен менә дигән мөмкинлек иде. Ярышларны күңелле итеп “Татар радиосы” баш мөхәррире Рамил Шәрәфиев алып бара.  

    “Татарстан кроссы – 2021” җиңүчеләре белән соңрак таныштырырбыз.

    Реклама

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: