Арча яңалыклары
Арчада Геройлар һәм Россия Конституциясе көнен билгеләп үттеләр
Бүген Арчада ике истәлекле көн бергә туры килде. Беренчесе — Ватан Геройлары көне уңаеннан укучылар тере батыр белән очрашса, икенчесе — Россия Конституциясе көне.
Россия Герое, Чечен сугышындагы батырлыгы өчен орденнарга һәм Герой исеменә лаек булган Дмитрий Сафин әлеге истәлекле даталар уңаеннан Арчага очрашуга махсус кайткан. Кичә ул Арча һәм Әтнә районнары буенча хәрби комиссариатта егетләрне армиягә озату кичәсендә катнашса, бүген Арчаның сәнгать мәктәбендә Ватан геройлары көненә багышлап ясалган рәсем конкурсында җиңүчеләрне бүләкләү, “Казан арты” музеенда 14 яше тулган Россия гражданнарына паспорт тапшыру тантанасында, Җиңү паркындагы Мәңгелек утка һәм Советлар Союзы Герое Валентин Ежковның каберенә чәчәк салу чараларында катнашты.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев