Арчадан Мәрьям апа сайлауга иң беренче килде

Сайлау участогына мин эш буенча беренче килдем. Арчадан өлкән яшьтәге Мәрьям апа Галәветдинова бу вакытта шунда инде инде.

– Мин ел да беренче булып киләм. Шулай гадәтләнгән инде, – диде ул.

 Иртүк йокыдан тора ул. Элек үз йорты булганда бакчасын, кош-кортын, терлеген карарга дип торса, хәзер фатирда яши. Әмма барыбер йоклап ятуны белми Мәрьям апа. Хәрәкәт булыр дип урамнарны әйләнеп кайта, үзенә нинди дә булса шөгыль таба. Сайлау көнне ничек йоклап ятсын инде.

– Илләр тыныч булсын, сугышлар булмасын. Башкасы мөһим түгел, – диде ул.

Беренче тапкыр сайлаучы буларак Мәрьям Галәветдиновага бүләк тапшырдылар. Моннан тыш беренче тапкыр сайлаучы ун кешегә дә бүләкләр әзерләнгән иде.