Арчага Татарстан Республика мәдәният министры Ирада Әюпова килде

Бүген Арчага Татарстан Республика мәдәният министры Ирада Әюпова килде. Ул Арчаның беренче мәктәбендә Белем бәйрәменә багышланган тантанада катнашты. Район башлыгы Илшат Нуриев, Татарстан Республикасы Дәүләт советы депутаты Лотфулла Шәфигуллин белән Мөндештәге яңа клуб төзелешен карадылар, Сәрдәбаштагы ныклап төзекләндерелгән авыл клубын ачуда катнаштылар. Министр район башлыгы белән “Ташкичү”,  “Ашыт” ширкәтләрендә басуларда булып, урып-җыюның барышы белән таныштылар. Район башлыгы алдынгы комбайнчыларга бүләкләр тапшырды.