Арчаның спорт элитасын котлаганда иң башта таэквондочылар чыкты

ПФО - Идел буе федераль округы чемпионатында җиңгән һәм "Дөнья Кубогы"нда бронза медаль алган Арча егете Алмаз Закировны һәм ПФО- Идел буе федераль округы  беренчелегендә бронза алган Альмир Шакирҗановны сәхнәгә чакырып, район башлыгы Илшат Нуриев котлады һәм бүләкләр тапшырды. Шулай ук тренерлары Газинур Борханов та сәхнәдә котлаулар алды. Тренердан күп нәрсә тора шул! Газинур Юнысович кебек тренерлар күбрәк булсын иде.  Әти-әниләр электрон челтәрдәге төркемдә болай дип язалар: "Таких тренеров не много, кто вкладывает душу в работу, всецело принадлежит спорту и всегда готов прийти на помощь! Ответственности, дальновидности и усердия вам не занимать! Спасибо за ваш труд?".

Бу егетләрне район горурлыгы дими ни дисең инде! Афәрин! Уңышлар!  Ир-егетләрнең бәйрәме белән!

Котлаулар Арча сәнгать мәктәбендә үтте.