Арча яңалыклары
Быел илдә кече бизнесны исәпкә алу уздырыла
Арча районы статистика бүлеге җитәкчесе Булат Әхмәтгалиев хәбәр итүенчә, белның язында Дәүләт статистикасы федераль хезмәте (Росстат) Россия Федерациясенең барлык төбәкләрендә дә кече бизнесны икътисади исәпкә алу уздырачак.
- Арча районында барысы 980 шәхси эшмәкәр, крестьян-фермер хуҗалыклары һәм 256 кече предприятиеләр бар. Алар барысы да 2021 елның 1 апреленә кадәр махсус анкета тутырырга тиеш. Аны бездән яки Росстатның рәсми сайтыннан алырга мөмкин. Анкетадагы барлык икътисади күрсәткечләр дә 2020 елга карый, - диде ул.
Анкетаны тутыру буенча сораулар туса, Арча статистика бүлегенә 3-07-97 яки 3-15-97 телефо6арына шалтырата аласыз.
Кече бизнесны икътисади исәпкә алу биш елга бер үткәрелә . Ул эшкуарларның проблемаларын ачыклау, шуның нигезендә Россиядә кече бизнесны үстерү өчен төрле дәүләт программалары булдыру өчен башкарыла.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев