Арск-Информ
  • Рус Тат
  • Депутатлар Арчада

    Районда РФ Дәүләт Думасы депутаты Рөстәм Кәлимуллин һәм ТР Дәүләт Советы депутаты Лотфулла Шәфигуллин булып китте.

    Очрашулар региональ атна кысаларында үтте. Беренче булып депутатлар “Бердәм Россия” сәяси партиясенең җирле бүлекчәсе кабул итү бүлмәсендә гражданнарны кабул иттеләр, игътибар белән аларның сорауларын тыңладылар, аралаштылар, җаваплар бирделәр.

    Бөтен гомерен мәгариф өлкәсенә багышлаган, лаеклы ялга чыккач җәмәгать эшләре белән актив шөгыльләнгән хезмәт ветераны, сугыш чоры баласы Илдус Абдрахманов бүгенге көндә күпләрне борчыган сораулар белән мөрәҗәгать итте.

    – Минем соравым бик күпләргә кагыла. Бөек Ватан сугышында һәлак булганнарның балаларына нинди дә булса ташламалар кертеп булмас микән? Начар тормышта яшәмибез, бөтен нәрсә бар. Әмма җитәкчеләр тарафыннан игътибар да булса иде, – диде ул. – Икенче соравым да шушы темага кагыла. Сугыш чорында биш миллионга якын кеше хәбәрсез югалды. Табылганнары бар, табылмаганнары да күп. Аларны сугышта һәлак булганнар итеп тану мәсьәләсен Дәүләт думасында карап булмас микән?

    Реклама

    Бу сораулар Рөстәм Кәлимуллинда кызыксыну уятты һәм ул аларны Дәүләт Думасына җиткерергә вәгъдә бирде.

    – Профсоюз кертемнәрен бюджет өлкәсендә эшләүче һәр кеше түләп бара. Әмма юлламалар төрле чикләүләр нәтиҗәсендә барысына да бирелми. Бу чикләүләрне яңадан карап булмыймы? – дип сорады халыкны социаль яклау бүлеге җитәкчесе Миләүшә Шакирова.  

     Гражданнар белән очрашудан соң Россия Федерациясе Дәүләт Думасы, Татарстан Республикасы Дәүләт Советы һәм Арча муниципаль районының вәкаләтле органында “Бердәм Россия” фракцияләре депутатларының икътисад һәм социаль өлкәнең, районның һәм халкының тормышын  тиешле дәрәҗәгә күтәрү буенча эшләүче барлык системаларның тотрыклы үсешенә ирешү, милләтара, конфессиаара һәм гражданлык килешүе  мәсьәләләре буенча үзара хезмәттәшлек турында килешүгә кул куйдылар.   

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: