Илмира Нәгыймова бабасын күмәргә кайта алмаган: "Бер сәгать вакыт бирделәр, аның юлы гына да бер сәгать"

Популяр җырчы Илмира Нәгыймованың бабасы үлеп киткән. Бу хакта Матбугат.ру яза.

Якын кешеңне соңгы юлга озатырга СМС аша рөхсәт алып кына барырга мөмкинсең. Илмира Нәгыймова исә бара да алмаган.

"Бүген бу дөньядан Бабам китеп барды. Ә мин аны озатырга да кайта алмыйм, чөнки чыгармыйлар... Бүген смс җибәреп караган идем 2590 номерына #цель похороны дип, бер сәгать вакыт бирделәр... Аның юлы гына бер сәгатьлек... Нәрсә инде бу... Кая бара бу дөнья... Хәерлегә булсын бу коронавирусы", - дип сыкрана Илмира.

Бабайның урының оҗмахта булсын...

Тулырак: https://matbugat.ru/news/?id=28736

Бу хәл-шартларда төәемле булсак иде. Исегезгә төшерәбез, Русия Федераль медицина-биология агентлыгының (ФМБА) баш инфекционисты Владимир Никифоров, Русиядә коронавирус инфекциясенең таралуы җәйгә тәмамланачак, дип саный. Бу хакта ул федераль каналның ток-шоу эфирында белдерде. Инфекционист белдерүенчә, вирусның иң көчле таралу чоры әле үтелмәгән.

Фото:https://www.instagram.com/ilmira.nagimova/

Кызыл таң