Ипотека ставкасы төшәчәк

автор, 7 апрель 2020 - 08:52

1106

РФ Президенты Владимир Путин Үзәк банкка 1 майга кадәр ипотека ставкаларын төшерергә боерык бирде. Халык өчен ипотекага фатир сатып алу уңайлы булырга тиеш, диде ул.

Карарда Русия Банкы белән берлектә торак төзелешен һәм ипотека торак кредитларын үстерү буенча программа эшләргә, диелә. Аннан ул программа Президент каршындагы милли проектлар һәм стратегик үсеш буенча советның утырышында каралуга кертелергә тиеш.

Программа 2020 елның 1 маена кадәр эшләнергә тиеш. Моңардан тыш, сәнәгать зоналары территорияләренә реоргонизация ясау тәртибен гадиләштерергә боерды. Шулай ук илбашлыгы куйган максатларда өстенлекле юнәлеш итеп түбәндәгеләр билгеләнде: Хөкүмәт дәүләт һәм муниципаль милектәге җир участокларын шәхси торак төзелешенә бирү вакытын кыскартырга тиеш, төзүчеләрне кыска вакыт эчендә һөнәри әзерлек үткәрү программасын әзерләргә, милеккә дәүләт теркәве үткәргәндә кагыйдәләрне гадиләштерергә.

Чыганак: bashinform.ru