Иртәнге ашка искиткеч тәмле бутерброд
Бик җиңел һәм тиз генә ясала ул. Ингредиентлары да гади генә. Һәркайсыбызның суыткычыннан «төшми» торган продуктлардан гына ясала.
Кирәк булачак:
- • юка гына итеп туралган 16 телем ак ипи (тостер өчен туралган ипи булса, тагын да уңайлырак),
- • 8 колбаса телеме,
- • 1-2 помидор,
- • 200 грамм гөмбә,
- • 100-150 грамм сыр,
- • 4 йомырка,
- • 1 аш кашыгы атланмай,
- • тәменә карап тоз, борыч, петрушка.
Эш барышы:
1. 8 телем ипинең йомшагын пычак белән кисеп алабыз. Табага (төбен майлап) йомшагы алынмаган 8 телем ипине тезеп, шуның дүртесенә йомшагы алынган ипи “кысасы” куеп чыгабыз. “Кыса”ларга гөмбә (кыздырып) тутырып, тоз, борыч һәм вак угычтан уылган сыр сибәбез.
2. Калган 4 телем ипигә 2шәр телем колбаса, өстенә калган 4 ипи “кысасы”н куябыз. “Кыса”лар эченә помидор кисәкләре (боҗралап туралган) урнаштырабыз һәм һәр бутербродка берәр йомырка сытабыз. Тоз, борыч, петрушка (ваклап туралган) сибәбез. Барлыгы 8 бутерброд килеп чыга.
3. Табаны 180 градуска җылытылган газ миченә куеп, йомырка пешкәнче һәм сыр эрегәнче тотабыз.
Фото: yandex.ru
Хәзер Арча һәм Арча районы яңалыкларын безнең Telegram-каналдан да белә аласыз
Следите за самым важным и интересным в Telegram-каналеТатмедиа
Нет комментариев