Кибет һәм базарларда шартлаткыч уенчыклар сатыла башлады

Яңа ел бәйрәмнәрендә пиротехник эшләнмәләр бик еш кулланыла. Бу вакытта үтәлергә тиешле кагыйдәләрне исегезгә төшерәбез. Кибет һәм базарларда шартлаткыч уенчыклар сатыла башлады: салютлар, петардалар, хлопушкалар һ.б. Бу товарларны сатучыга да, сатып алучыга да каралган  кагыйдәләр бар: товарның сертификаты булырга һәм алар махсус тимер савытларда сакланырга тиеш. Сату мәйданнары бүленгән янгын сүндергечләр белән тәэмин ителсен. 16 яше тулмаган балаларга бу төр товарларны сату катгый тыела. Пиротехник эшләнмәне сатып алган очракта куллану инструкциясен укырга онытмагыз. Пиротехник эшләнмәне бина эчендә кулланырга, утка ыргытырга, кабызган килеш кулда тотып торырга, тәмәке кабызырга ярамый. Кабызылган петардаларны кешеләр, терлек, җәнлекләр ягына ыргытмаска. Юешләнгән пиротехник эшләнмәләрне электр плитәләренә, җылыту батареяларына куеп киптерү тыела.

Янгын вакытында 01, 112, Арча янгын сүндерү часте 3-59-01 номерлары аша хәбәр итәргә.

Фиргать Мөхәммәтҗанов,

Арча һәм Әтнә районнары буенча

янгын күзәтчелеге бүлеге өлкән дәүләт инспекторы.