Кичәге давылда түбәләр кубарылган

Апаз авыл җирлеге башлыгы Раушан Котдусов хәбәр иткәнчә, берничә минут эчендә булган давыл сизелерлек зыян салган. Хәсәншәех мәдәният йорты түбәсенең 7 калае кубарылган. Сәгыйтъҗанов Рәфкать хуҗалыгының сарай түбәсенә һәм колхоз амбарының ишекләренә зыян килгән. Шулай ук Апаз авылында күмәк хуҗалыкның  гараж түб-әсе дә купкан. Хәсәншәехта урамнарда  агачлар авып электр линияләрен өзгән.  Хәзерге вакытта төзекләндерү һәм иминият хезмәткәрләре белән килгән зыянны исәпләү эшләр алып барыла.