Арск-Информ
  • Рус Тат
  • Кияүгә сораучы булганда чыгарга

    Арчада эшкә барыш. Бер ханым белән сөйләшә--сөйләшә атлыйбыз. Шунда безнең каршыга яшүсмер оныгы белән көлешә-көлешә барган бер хатын очрады.

    Алар үтеп киткәч, юлдашым:

    --Бәхетле хатын, -- дип әйтеп куйды.

    -- Белгән хатыныңмы?

    -- Юк, алай, якыннан белмим. Бер чорда укыдык без аның белән. Ә нинди ямьсез иде ул! Хәзер бигрәк тә ямьсез! Ә бәхетле! Безнең шикелле сайланып утырып калмаган, кияүгә сораучы булганда чыккан. Башкалар кебек гаиләле булган, балалары... Менә хәзер оныклар белән мәйхәнә килә.

    Реклама

    Ә мин: "Һәркем үзенчә бәхетле. Сез дә..." -- дип әйтә башлаган идем шунда сүзебез өзелде. Юлдашымның танышы очрап, сөйләшә калдылар. 

    Ул ханым юк инде... Беркөнне аның туганы белән сөйләшеп тордык. "Матур, чибәр булды. Кияүгә бармады шул. Үзенә тиң ярны көтте. Ә ул очрамады. Ә гомер тиз үтә. Картлык килгәнен сизми дә каласың... Берәүне бәхетле итеп, ә нинди балалар үстергән булыр иде ул!" -- диде туганы. 

     

     

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: