Әлфия Бәдретдинова: "Балчыклы сулар эчтек, шуңа таза булдык"

 Бар гомерен пионервожатый хезмәтенә багышлаган Әлфия Бәдретдинова истәлекләре белән бүлешеп, яшь буынга киңәшләрен җиткерде.

"Мин беренче класска кергәндә үк муеныма кызыл бантик бәйләп куйганмын. Шул вакыттан пионер инде мин. Туган да ук пионер булып туганмын мин, шуңа галстукны гомерем буе хөрмәт итәм. Галстуклы балаларны күрсәм йөрәгем рәхәтләнә"- дип башлады сүзен быелгы пионер туган көнендә 93 яшен билгеләп үтүче Әлфия апа. 

"Ял көннәрендә гел походларга бардык. Еракларга кадәр җәяүләп бардык. Эчәргә су бетә иде. Тәгәрмәч эзенә җыелган су эчтек. Балалар да эчте. Балчыклы сулар эчтек без, шуңа таза булдык", - дип, хатирәләрен барлап, яшь буынны хәрәкәтне яратырга чакырды