Малидан Саного Госман рухи-сәламәтләндерү курсларын оештыруда һәм үткәрүдә ярдәм итәчәк

Изгелек һәм иман булган җирдә, чикләр юкка чыга.
Г. Тукай исемендәге рухи-мәгърифәт үзәгенә Мали Республикасыннан (Көнбатыш Африка)-Саного Госман килде. 

Рәсәйдә ул инде беренче ел яшәми, Казан энергетика университетында укый.
Саного Госман Арча шәһәренең Үзәк мәчетендә уздырылачак рухи-сәламәтләндерү курсларын оештыруда һәм үткәрүдә ярдәм итәргә ризалашты. Алар 20 нче июльдән 26 нчы июльгә кадәр дәвам итәчәк.
Бу көннәрдә малайлар һәм кызлар дин нигезләрен, тәһарәт алырга һәм намаз укырга өйрәнәчәк, әти-әниләргә һәм олыларга карата изге гамәлләрнең мөһимлеген аңлаячак. Мондый дәресләр әхлакны ныгытырга, үзеңнең тәртибеңне яхшыртырга һәм әдәплелекне үстерергә ярдәм итә. Ә бу бәхетле тормышның нигезе.