Башкортстанның Бөре районында ике бала өчен мунчага бару һәлакат белән тәмамланган. Балаларның хәрәкәтсез гәүдәләрен бабалары табып алган.
Фаҗига Фурманов урамындагы шәхси йортта булган. Хокук саклау органнары 8 һәм 2 нче сыйныф укучылары бергә мунчага барып, төтенгә агуланганнар, дип хәбәр итте, дип яза "Өмет" газетасы.
Кызганычка каршы, 14 яшьлек кызны коткарып кала алмаганнар, 8 яшьлек кыз әлеге вакытта хастаханәдә. Аның да агулану дәрәҗәсе бик көчле, - дип хәбәр ителә.
Бабалары саклык чараларын алдан кайгыртса, мондый хәл булмас иде. Гомергә үкенечкә калырлык гамәлләр эшләмик! Якыннарыбызга игътибарлы булыйк!
Автор : Фаткуллин Рәдиф
Чыганак: ufa1.ru
Фото: ufa1.ru
Хәзер Арча һәм Арча районы яңалыкларын безнең Telegram-каналдан да белә аласыз
Иң мөһим һәм кызыклы язмаларны Татмедиа Telegram-каналында укыгыз
